Korina: “Janelle, magandang hapon sa 'yo. Kumusta na ang therapy mo? Hindi ka ba nahihirapang magsalita?”
Janelle: “Okay na po ‘yung pananalita. Mas more ‘yung pain dito, so hindi ko po puwedeng i-open masyado ‘yung mouth ko.”
Korina: “Bakit ka naka-sling ngayon?”
Janelle: “Meron po siyang fracture dito. Dito po ‘yung gunshot, so nu'ng lumabas siya dito, parang nabali po 'ata ‘yung buto.”
Korina: “Pero mukha ang tinamaan, meron kang kaunting pekas sa ilalim ng mata. Hindi ba sa ngayon maraming mga panawagan sa 'yo, mula sa nanay? ‘Di ba, si Genelyn ay madalas lumalabas? Ano ang nararamdaman mo o iniisip mo kapag lumalabas siya?”
Janelle: “Nung sinabi niya na nadidiin ko po sila, hindi ko naman intensyon talaga na idiin sila. Kung ano po ‘yung laman ng statement ko, ‘yon po ‘yung totoong nangyari.”
Korina: “Bakit ba sila galit kay Ramgen?”
Janelle: “Marami pong reasons.”
Korina: “Meron bang sumasagi sa isip mo na kaya sila galit kay Ramgen ay dahil sa pera?”
Janelle: “Puwede po sigurong isa sa reasons, pero hindi entirely about doon.”
Korina: “Nasha-shock ka ba?”
Janelle: “Opo. Kasi the time na nalaman ko ‘yung sabi nilang involvement ni Mara at ni RJ, nasa hospital po kasi ako nu'n. Hindi ako nanonood ng news. So nu'ng sinabi po nila sa akin, nagshe-shake po talaga ako. I was crying kasi ayaw ko isipin, and never kong inisip na posibleng sila kasi nga kapatid sila ni Ramgen. So hindi ko po talaga inisip, kasi lagi nga sinasabi ni Ramgen kung gaano niya kamahal ‘yung mga kapatid niya, so kung sila talaga, mas masakit ‘yung pagkawala ni Ramgen.”
Korina: “Nagtataka ka ba sa mga sinasabi ni Ramona?”
Janelle: “Nagko-contradict po at saka may mga sinabi siyang hindi totoo kaya gusto ko rin po siyang makausap. Kaming dalawa ‘yung nando'n, pero ‘yung statements namin magkaiba so hindi ko maintindihan kung bakit gano'n ‘yung statements niya.”
Korina: “Sa lahat ng mga sinabi niya, ano ‘yung hindi kapani-paniwala talaga sa 'yo?”
Janelle: “‘Yung sinabi niya na nagtago siya sa ilalim ng aircon, kasi... katabi ko lang siya.”
Korina: “Nasa tabi mo lang siya habang nandoon din ‘yung mga bumaril sayo?”
Janelle: “Opo.”
Korina: “Kausap niya?”
Janelle: “Hindi niya po kausap, pero may point po na may nasabi siya pero okay pa rin siya.”
Korina “Nakita mo ba lahat ng nangyari kay Ramgen?”
Janelle: “Opo.”
Korina: “Nakita mo lahat?”
Janelle: “Nung bumagsak po ako sa floor, doon ko lang na-realize na baka mamatay ako, so in-asthma nga po ako. So ‘yung fear ko, hindi ako... mamamatay ako sa asthma ko, hindi dahil sa gunshots. So kinalma ko lang po talaga ‘yung sarili ko, pero kung hindi ko po siguro nakalma ‘yung sarili ko baka po wala na rin ako. Kasi po ‘yung nangyari nu'n in-ask ko po siya na tumawag for help. Naniwala ako sa kanya na hihingi siya ng tulong.”
Korina: “So kay Ramona ka unang humingi ng tulong?”
Janelle: “Opo. Pero nung nag-aantay ako, natatagalan na ako, nanghihina na rin ako, at saka ko lang naisip na ‘Bakit hindi ako gumawa ng way?’ So nag-text ako ‘yung mga taong possible na gising pa nung time na ‘yon—mommy ko, friends ko. Tapos, luckily naman po, nakahingi ng help ‘yung mom ko through my tito, tapos ‘yung friend ko rin po nakatawag din po siya ng help. So, nag-antay na lang po ako, at saka po may dumating na tulong.”
Korina: “So inasahan mo talaga na si Ramona ang gagawa ng paraan dahil siya ang hiningan mo ng tulong?”
Janelle: “Inantay ko po siya kasi kaibigan ko rin naman po si Mara, hindi lang dahil boyfriend ko ‘yung kapatid niya. Kaibigan ko po siya talaga so iniisip ko na ise-save na rin talaga ako, kaso wala nga pong dumating. Kung talagang gusto niya kaming i-save, bakit hindi siya gumawa ng way para humingi ng tulong eh nandoon lang po naman ‘yung guwardiya? Sobrang lapit lang po talaga ng guard house. Gusto ko silang makausap kasi merong mga dumadating na parang ako pa ‘yung sinungaling, na ayaw ko ng ganon kasi ako na nga po ‘yung nabaril. Wala naman akong motive talaga para magsinungaling pa kasi ang hinahanap ko lang naman po dito is justice.”
Korina: “Kumusta ang magiging Pasko mo ngayon?”
Janelle: “Magspe-spend po ko ng Christmas with may family, pero honestly hindi ko po ma-feel ‘yung Christmas ngayon.”
Korina: “Ano ang mensahe mo sa nanay, kay Genylyn?”
Janelle: “Actually nasabi ko na po sa kanya na wala akong intention na saktan siya, and kung may mga nalabas man ako na katotohanan, kung naapektuhan man sila, hindi ko gusto na saktan siya. Pero kailangan ko lang talaga ilabas kung ano ‘yung totoo para matulungan ‘yung paghahanap sa justice, pero ayaw ko silang sirain, ‘yung family nila o saktan siya.”
Catch the exclusive interview of Ms. Korina Sanchez with Janelle Manahan this Sunday on Rated K.
